Oaivilat web

Ásat ráfi Irakii

Go don leat bargan buot bargguid Irak- ja Gaska-Nuorti-riiddu birra dán neahttasiiddus, de oaččut barggu ON:s. Barget joavkkus dahje individuálalaččat ja ráhkadehket raportta das mot dii háliidivččiidet dán barggu ovddidit. Ovdanbija raportta eará ohppiide geat sáhttet buktit moaitevaš kommentáraid ja gažaldagaid. Ráhkkanehket bures vai din ideat dohkkehuvvošit. Loga álggos barggu birra, dasto bargga vuolábeale gažaldagaiguin. Dát gažaldagat geažuhit maid don galggat váldit mielde raportii.

Bargu

Don barggat/dii bargabehtet ON’ ráfisoabaheaddjin. Irakas leat ain beaivválaš soahtedagut maŋŋelgo USA márai riikii 2003:s ja gomihii Saddam Hussain. Irak-riidu lea muhtun jagiid bistán, ja riidu orru roahkkasan. Dilli lea maiddái gártan váddáseabbon maŋŋelgo ránnáriika Iran áittii háhkat atomavearjjuid. ON lea mearridan vuoruhit ásahit ráfi Irakii.

Don oaččut/dii oažžubehtet bargun ásahit Irakii ráfi. Álggos fertet ohcat oppalaš dieđuid riiddu birra, ja earenoamážit Irak-riiddu birra, vai don sáhtát (dii sáhttibehtet) gávnnahit guđe ON’ ráfiovddideaddji gaskaomiin sáhttet leat ávkkálepmosat.
Don fertet/dii fertebehtet geavahit Interneahta háhkat dieđuid riiddu birra. Buorre vuolggasadjin dieđuid ohcamii lea ON’ ruovttusiidu ja Norgga olgoriikapolitihkalaš instituhta (NUPI) ruovttusiidu. Muitte leat gáldokritihkalaš, don berrešit/dii berrešeiddet álohii buohtastahttit dieđuid maid don gávnnat/dii gávdnabehtet neahtas eará gálduiguin. Leage maiddái dárkil čállit gos don leat viežžan dieđuid.

Bargu

Makkár gaskaoami áiggut don/áigubehtet dii geavahit?

Mot don áiggut/dii áigubehtet čađahit barggu ásahit ráfi Irakii? Árvvoštala čuovvovaš gaskaomiid jearadettiin seamma gažaldagaid juohke gaskaoami birra:
Maid gaskaoapmi galgá dagahit?
Mii gaskaomiin lea buorre?
Mii gaskaomiin ii leat buorre?
Mot dát lahkoneapmi ásaha ráfi Irakii?
Gávnnat makkár gaskaomiid don áiggut/dii áigubehtet geavahit. Čilge manin don áiggut geavahit dán gaskaoami, itge daid earáid. Sáhttá leat áigeguovdil geavahit guokte lahkonanvuogi.

A) Ekonomalaš ráŋggáštusat

Mat ekonomalaš ráŋggáštusat leat?
Mii gaskaomiin lea buorre?
Mii gaskaomiin ii leat buorre?
Mot dát lahkoneapmi ásaha ráfi Irakii?

B) Humanitára intervenšuvdna

Mii humanitára intervenšuvdna lea?
Mii gaskaomiin lea buorre?
Mii gaskaomiin ii leat buorre?
Mot dát lahkoneapmi ásaha ráfi Irakii?

C) Soabaheapmi

Mii soabaheapmi lea?
Mii gaskaomiin lea buorre?
Mii gaskaomiin ii leat buorre?
Mot dát lahkoneapmi ásaha ráfi Irakii?

NEAHTTARESURSSAT

NUPI – Norgga olgoriikapolitihkalaš instituhta ruovttusiidu

http://www.nupi.no/

ON’ ruovttusiidu

http://www.fn.no/