Oaivilat web

Geavaheddjiidoastin – teakstabargu

Bargga vuolábeale bargguid geavaheddjiidoastima birra. Buohtastahte iežat vástádusaid mielohppiin. Leat go dudnos seamma vástádusat?
Leat go dudnos seamma vuođuštusat?

(Dárogiel Standpunkt oahpaheaddjisiidduin gávdno vástádusevttohus dán bargui dárogilli. Gáibida beassansáni.)

Bargu

1. bargu
Don leat oastán divrras uvjajáhka, muhto oaččut juo heajos oamedovddu dalle go leat jođus ruoktot daningo don leat golahan nu ollu ruđa ja don gáđat. Don manat ruovttoluotta gávpái addit jáhka ja ruđa oažžut ruovttoluotta. Don hirpmahuvat sakka go gávpi biehttala váldimis uvjajáhka ruovttoluotta, vaikko ii leat go diimmu áigi go dan ostet.

Leago gávppis riekti hilgut du? Vuođuš vástádusa.

2. bargu
Don leat diŋgon biktasiid poastadiŋgonkatalogas ja leat máksán páhka poastakantuvrras. Go leat rahpan páhka ja oainnát maid don leat oastán, de gáđat gávppi. Don manat poastakantuvrii moadde beaivve maŋŋel ja sáddet páhka ruovttoluotta.

Leago dus riekti sáddet biktasiid ruovttoluotta ja oažžut ruđaid fas? Vuođuš vástádusa.
Galggatgo ieš máksit biktasiid ruovttoluottasáddema olggosgoluid?

3. bargu
Leat gollan 3 mánu dan rájes go don ostet ođđa mátkedihtora 4990 ruvdnui. Dál leat dus váttisvuođat čatnat Internehttii rabas árppohis fierpmádaga bokte. Don doalvvut dihtora gávpái ja gáibidat oažžut ođđa dihtora dahje ruđaid ruovttoluotta. Bargi ii daja iežaset áigut addit ođđa gálvvu dahje ruđaid ruovttoluotta, muhto sii divvot dan nuvttá.

Leago riekta ahte don it sáhte oažžut ođđa dihtora dahje ruđaid ruovttoluotta? Vuođuš vástádusa.

4. bargu
Mátketelefovdna maid don ožžot riegádanbeaiskeaŋkan badjel 2 jagi dassái, ii doaimma maŋŋel go dáhpedorpmis gahčahit láhttái. Don doalvvut dan divodeapmái gávpái gos dat ostojuvvui ja šiehtat singuin ahte sii álggos isket man ollu divodeapmi máksá ovdalgo mearrádusa dagat. Vahkku maŋŋel oaččut dieđu ahte gártá máksit 1250 ruvnno. Dat lea beare ollu, nu ahte don baicca háliidat oastit ođđa telefovnna. Bargi addá dutnje ruovttoluotta mátketelefovnna ja 262-ruvdnosaš rehkega go lea iskan ja addán divvunfálaldaga. Don it dohkket dan ja guođát mátketelefovnna dohko go vuolggát.

Leago gávppis lohpi gáibidit iskandivada go bargi ii addán dieđu dutnje dan birra? Vuođuš vástádusa.

5. bargu
Don leat seastán ruđa ođđa skirvehallanrusttegiidda. Gávppis jearat leago rusttegiin dáhkádus. Bargi vástida ahte ii leat. Don it riekta ipmir go leat gullan ahte gávpái sáhttá váidit jus mihkkege boasttuvuođaid gártá dasa maid doppe lea oastán.

Leago bargis riekta? Leago dus riekta? Leago goappašagain riekta?