Oaivilat web

Kurt Nilsen

Kurt Nilsen lei vuosttaš norgga artista gii vuittii Idol 2003:s ja ođđajagimánu 1.b. 2004:s son vuittii maiddái World Idol.

Lávlla She’s So High beasai njuolga vuosttaš sadjái VG-listtus ja lei eanemus vuvdojuvvon lávlla goassege Norggas áiggiid čađa. Vuvdojedje 120 000 gáhppálaga 2003:s. Vuosttaš skearruin maiddái lihkostuvai bures. 2003:s vuvdojedje hirpmáhuhtti 100 000 gáhppálaga.

Haddi buvttadeaddjis gávpeolbmái lea 80 ruvnno skearrus ja 30 ruvnno CD-lávlagis. Kurt Nilsen
oamasta lávllavuoigatvuođaid ja son oažžu 9,3% vuovdinsisaboađuin vuoigŋaduodjesisaboađuin. Dasa lassin oažžu son bissovaš supmi, 12 ruvnno juohke skearru nammii ja 5 ruvnno juohke CD-lávlaga nammii nu gohčoduvvon royaltysisaboahtu.

Kurt Nilsenis ledje oktiibuot 200 000 ruvnno olggosgolut láigohit báddenstudio, musihkkariid, teknihkkariid jnv. dalle go son báddii She’s So High. Sullasaš olggosgolut I ovddas ledje 800 000 ruvnno. Márkanfievrredeapmi ja promoteren mat gulle dáid prošeavttaide mávssii 150 000 ruvnno 2003:s ja juohkásedje sullii seamma mutto ollu lávlagii ja skerrui. Kurt Nilsenis ledje bissovaš golut managerii gii ordnii buot soahpamušaid ja šiehtadusaid čuojahanjovkui. Manageris lei 2003:s šihttojuvvon bissovaš bálká 350 000 ruvnno. Dasa lassin ledje eará bissovaš olggosgolut mat oktiibuot dahke 60 000 ruvnno.

Bargu

Barggus galggat geahčadit sisaboađuid ja goluid mat Kurt Nilsenis ledje “She’s So High» ja «I» oktavuođas. Mii eat váldde mielde sisaboađuid ja skearrofitnodaga goluid. (FUOM! Buot dieđut leat fiktiiva)

Meroštala Kurt Nilsena lávlaga “She’s So High» 2003 vuovdinsisaboađuid.
2.Meroštala Kurt Nilsena skearru I 2003 vuovdinsisaboađuid.
3.Ráhkat boađusrehketdoalu ja meroštala man ollu badjelbáza Kurt Nilsen oaččui 2003 skearrovuovdimis.
4.Man ollugat livčče vel galgan oastit I 2003:s jus son livččii galgan dinet vel ovtta miljovnna ruvnno iežas vuosttaš skearrus?
5.Kurt Nilsen lea fuobmán ahte Malaysia mánát geat barget leat ráhkadan daid CD-skearruid maid sii oste sisa ja geavahedje iežaset báddemiidda. Digaštala fitnodatehtalaš váttisvuođa masa son dál lea gártan!