Oaivilat web

Loatnaeavttut – teakstabargu

Don dárbbašat 700 000-ruvdnosaš viessoloana ja háliidat iskat makkár fálaldagaid don sáhtát oažžut loatnamárkanis. Interneahtas galggat mannat iešguđet báŋkkuid neahttasiidduide ja gávnnahit makkár eavttuid don sáhtát oažžut, ja meroštallat loatnaolggosgoluid kalkuláhtoriiguin mat leat olámuttos. Molssaeaktun sáhtát don geavahit Excel-modealla “Loatna” mildosiin mat leat olgešravddas, dahje sáhtát ráhkadit iežat loatnameroštallama.

Bargu

A Iskka makkár fálaldaga don sáhtát oažžut báŋkkus mas leat kunddarin.

  1. Leatgo dus kunddarin makkárge ovdamunit earáid ektui geat ohcet loanaid?
  2. Makkár mánnosaš olggosgoluid don oaččut jus válljet loana ruovttoluottamáksit 20 jagi badjel?
  3. Buohtastahte eavttuid eará stuorabáŋkkuin, nugo ovdamearkka dihte Skandiabankeniin, DnBNoriin, Nordeain dahje Fokusiin, geahča vuolábeale liŋkkaid. Maid gávnnahit?

B Gávnna vástádusaid dáid gažaldagaide geavahettiin báŋkkuid neahttabáikkiid.

  1. Ollu báŋkkut fállet vásedin jahkái oassemávssohis loanaid. Maid dat mearkkaša? Váikkuhago dat dutnje moktege ekonomalaččat jus válljet oassemávssekeahtesvuođa?
  2. Gávnna bissovaš ja rievddadalli reanttuid reantologu erohusaid.
  3. Makkár divadat leat dábálaččamusat? Rievddaditgo dát dan dáfus man galle ja stuorrát dat leat?
  4. Leatgo reantologus erohusat jus don áiggut lonet biilla oastima várás?
  5. Ollu ekonomat dadjet ahte ii galgga “lonet suovvabohcci rádjái”. Maid sii dainna oaivvildit?